نعت
دل مرے ساتھ اب مدینے چل
چل گناہوں کے داغ دھونے چل
چل گناہوں کے داغ دھونے چل
رات دن ہم جو کرتے رہتے ہیں
اُن خطاؤں پہ آج رونے چل
اُن خطاؤں پہ آج رونے چل
آپ کے روضۂ مقدس کا
کر طواف اور کونے کونے چل
کر طواف اور کونے کونے چل
آبِ زمزم کے پاک قطروں سے
اپنے اعمال کو بھی دھونے چل
اپنے اعمال کو بھی دھونے چل
خاکِ طیبہ بڑی مبارک ہے
اُس میں اپنی دعائیں بونے چل
اُس میں اپنی دعائیں بونے چل
بھر لے نیناں میں نور کے موتی
ان کو پلکوں میں پھر پرونے چل
ان کو پلکوں میں پھر پرونے چل
No comments:
Post a Comment